Forgot Password

Our work

Our work

Une honetan, hainbat ikerketa, esku-hartze eta prestakuntza proiektu ditugu martxan. Horien artean, ezagunena “Ongi etorri eskolara” proiektua da, Donostiako Udaleko Kultur Aniztasunaren Bulegoarekin, Errenteriako Udaleko Hezkuntza Sailarekin eta Andoaingo Gizarte Zerbitzuen Sailarekin elkarlanean aurrera eramaten duguna. Proiektu honetan Gipuzkoako Foru Aldundiak eta Eusko Jaurlaritzak ere parte hartzen dute.

“Ongi etorri eskolara” proiektuak ikasgelan eta ikastetxean kulturarteko ikuspegia lantzen du, eskola-komunitatea sentsibilizatuz eskola osatzen duten kultura guztiei balioa emanez, eta kultura horiek aldi berean, euskal kultura eta euskararen inguruan interesatu daitezen.

Horretarako, ikasleekin, irakasleekin, irakasle ez diren langileekin, familiekin eta eragile komunitarioekin ere lan egiten dugu. Kultur aniztasuna ikastetxe eta komunitatearentzako abantailatzat hartzea du helburu.
Hori posible izan dadin, gizarte- eta hezkuntza- arloko laguntza, hurbiltasun harremanak eta elkar ezagutzea lantzen ditugu Familia Laguna programaren bitartez.

Programa honek hainbat herrialdetatik Gipuzkoara emigratu diren familiak familia euskaldunekin harremanetan jartzen ditu, bi kulturen arteko zubia sortuz. Donostiako, Andoaingo eta Errenteriako 210 familiek parte hartu zuten “Familia Laguna” programan 2021-22 ikasturtean.

Proiektu honetaz gain, kulturarteko sentsibilizaziorako formakuntza eta tailer ezberdinak diseinatu eta ematen ditugu eta hezkuntza arloan aniztasun kulturala kudeatzeko era berriak ikertzen ditugu.

Gure eskolek mila kolore dituztelako

Ildo estrategikoak

Sentsibilizazioa

Irakasleria

Ikasleria

Familiak

Elkarteak

Auzo/herriko bizilagunak

Ikerketa

Eskolako kultura arteko ikerketa

Esku-hartzea

“Familia laguna” programa

Harrera protokoloa, parte hartze prozesua

Gelako kultura arteko egutegia

Familien eta irakasleen formakuntza

Gure plaza, gure hizkuntza

Liburuaren kultura arteko eguna/astea

San Juan kultura-artean

Munduko festen topaketa

San Telmon kultura-artean

Ebaluaketa

Prozesu osoan zehar