Ikasturte hasierako topaketetan familiak aurkeztu ondoren, ikasturte honetan bidelaguntza-programan parte hartuko duten familiek prestakuntza espezifikoa jaso dute kulturen arteko harreman horiek egiteko.
Prestakuntzaren helburuak dira iritsi berri diren familiei laguntza egokia emateko tresnak eskaintzea eta eskola-komunitatearen barruan hurbiltasuneko eta kultura-trukeko harreman horiek ahalbidetzea. Ahalduntzea eta eskolan eta komunitatean parte hartzeko aukera erraztuko duten harreman simetrikoak sortzeko beharra azpimarratu zen.
Euskarak leku garrantzitsua du beti prestakuntza horietan, eta arreta berezia jartzen du euskarara hurbiltzeak ikasleen aukera-berdintasunerako duen garrantzian. Arrazakeriaz eta horri aurre egiteko moduaz ere hitz egin zen, familiei eskolan jarrera arrazistak geldiarazteko tresnak eskainiz eta indarkeria horiek adierazteko espazio seguruak sortuz.
Elkartrukerako topaketa horiek hausnarketak partekatzen laguntzen digute, programa ahalik eta gehien aprobetxatzeko.
